قـابـلـت بـنـتـيـن تـحـفـه

بصراحه قريت موضوع وحبيت ااتي به إلى المنتدى
لانه بكل صراحه شد انتباهي


السلام عليكم ورحمة الله وبركاته

من زمان عنك يامنتدى العام

اليوم خميس وتعرفون أكثر الناس يروح يتسوق

المشكله أني مبطي من دخول الاسواق وخاصةً

في أوقات ذروة السوق حتى لاأنصدم بما أراه في السوق

الحاصل ياخواني وياخواتي

وبالصدفه قابلت بنتين في سوق الخميس كنت أمشي وألقى هاك البياع اللي يبيع سمك

والسمك كان منظره في غاية الروعه وجاذب لزبون المهم أنه

جذبني منظر السمك وكان عند البياع بنتين

متكشخات تقول أنهم رايحين لعرس ماهم رايحين لسوق ومأدري ليه هالكشخه

كل هذا والوضع طبيعي جداً لانه لابد تلقى من هالنوعية في السوق كثير جداُ

الزبدة قربت من السمك ومن البياع اللي البنات جلسين يكاسرون ألا بأربعين الا بخمسين

وقلت في نفسي وش هاللي جالسين يكاسرون فيه شوي الا وقالت وحدة منهم طلعه من القفص

وهنا الصدمه الكبيرة قلت في نفسي وش هالسمك اللي بيطلعها من القفص قمت وركزت على اللي

جالس بيطلعه وهنا الصدمه الكبيرة تدرون ويش طلع من القفص أه يالقهر

طلع له فار ويقول عمره شهر ونصف وأنتاج محلي أنا في هالحاله

أنقهرت من جد وين العقول فيه واحد جمبي قال يوه فار

قلت أنا بصوت مرتفع أيه فار فيه ناس تبيعه وناس تذبحه وتلعن خيره \

طبعاً كان قصدي من رفم صوتي أن البنتين والبياع يسمعون الكلام ويستحون على وجيهم

طلعت من السوق وأنا أفكر في هالبنتين وهالبياع

ألا أين وصلت عقول الناس

هذا رجل يبيع فيران وهذي أمره تشتري فار

المشكلة ياخوان أن أشكال الناس اللي جالسه تسوي هالشي

دارسه وفاهمه يعني لو بعطيهم شهادة على اللي شفتهم من خلال مظهرهم

شهادة بكالريوس لكن التفكير مان تفكير قسم أني لحد الحين منصدم حتى وأنا أكتب الموضوع

يعني منظر غريب جداً ويصعب علي تفكيره وخصوصاً أني ماني من اللي يحبون الاسواق

لاني وفكرتي في عدم خروجي لسوق وخاصةً في أوقات ذروته وزحامه ألا خوفاً من أني أنصدم

بمناظر أشوفها في أحواننا السعوديين وأخواتنا السعوديات

ياخوان اللي شفته اليوم

هل هو موضه؟

أم مظهر حظاري يعني لو بربي فيران راح أكون متحظر ؟

وهل انا متخلف عندما لم يعجبني المنظر وأنتقدته ؟

هذا موضوعي واتمنى اني ألقي أجابه تكون شافييه

والله يستر ليكون البنتين معنا في المنتدى

وفي الختام سلمولي على الحظارة والتقدم

يعطيك العافية على النقل الجميل